ବରଗଡ଼ : କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଆସନ୍ତା ୪ ତାରିଖରେ ବରଗଡ଼ ଗସ୍ତ । ଶାହଙ୍କ ଗସ୍ତକୁ ଦୃଷ୍ଟିରେ ରଖି ପ୍ରଶାସନିକସ୍ତରରେ ପ୍ରସ୍ତୁତି ଜୋରଦାର । ଝାରସୁଗୁଡ଼ା ବିମାନ ବନ୍ଦରରେ ଅବତରଣ କରିବେ ଶାହ। ସେଠାରୁ ସଡ଼କ ପଥରେ ଯିବେ ବରଗଡ଼ । ଏନେଇ ସୂଚନା ଦେଇଛନ୍ତି ଲୋକସଭା ସାଂସଦ ପ୍ରଦୀପ ପୁରୋହିତ। ଅମିତ ଶାହ ଭଟଲି ନିର୍ବାଚନମଣ୍ଡଳୀ ବାଉଲସିଙ୍ଗାଠାରେ ୧୭ ଶହ ୭୫ କୋଟି ଟଙ୍କାରେ ନିର୍ମାଣ ଇଥାନାଲ ପ୍ଲାଣ୍ଟକୁ ଆନୁଷ୍ଠାନିକ ଭାବେ କରିବେ ଉଦଘାଟନ ।
1G , 2G ଇଥାନାଲ ପ୍ଲାଣ୍ଟ ହେବା ଦ୍ବାରା ବରଗଡ଼ ଜିଲ୍ଲା ସମେତ ରାଜ୍ୟର ଅର୍ଥନୈତିକ ଅଭିବୃଦ୍ଧି ସହ ଚାଷୀ ହେବେ ଉପକୃତ । ଭଟଲି ବିଧାୟକ ଇରାଷିଶ ଆଚାର୍ଯ୍ୟ କହିଛନ୍ତି ଯେ ବରଗଡ଼ ଜିଲ୍ଲାର ୭୭ ପ୍ରତିଶତ ଏବଂ ରାଜ୍ୟର ୮୦ ପ୍ରତିଶତ ବେକାରୀ ଯୁବକ ଯୁବତୀ ଆତ୍ମନିର୍ଭରଶୀଳ ହୋଇପାରିବେ । ଅନ୍ୟପଟେ ଶାହଙ୍କ କାର୍ଯ୍ୟକ୍ରମକୁ ସଫଳ ପାଇଁ ପ୍ରଶାସନିକ ସ୍ତରରେ ଜୋରଦାର ପ୍ରସ୍ତୁତି ଚାଲିଛି। ଇଥାନାଲ ପ୍ଲାଣ୍ଟ ସମ୍ମିଳନୀ କକ୍ଷଠାରେ ବରଗଡ଼ ଜିଲ୍ଲାପାଳ ଆଦିତ୍ୟ ଗୋଏଲଙ୍କ ଅଧ୍ୟକ୍ଷତାରେ ପ୍ଲାଣ୍ଟ ଅଧିକାରୀ ଏବଂ ପ୍ରଶାସନିକ ଅଧିକାରୀଙ୍କ ସହ ବସିଛି ଘନ ଘନ ବୈଠକ । ସମ୍ବଲପୁର ଆଇଜି ହିମାଂଶୁ ଲାଲଙ୍କ ସହ ସୋନପୁର ଏସପି ନାରାୟଣ ନାୟକ, ବରଗଡ଼ ଏସପି ରବୀନ୍ଦ୍ରନାଥ ଶତପଥୀ କ୍ଷେତ୍ର ପରିଦର୍ଶନ କରିଛନ୍ତି । ସଭା ସ୍ଥଳ ପରଖିଛନ୍ତି ଆଇଜି ହିମାଂଶୁ ଲାଲ ।
Leave a Reply