ଅପରେସନ ‘ସିନ୍ଦୂର’ ପାଇଁ ୨୭ ବିମାନବନ୍ଦର ବନ୍ଦ, ୪୩୦ ଉଡ଼ାଣ ବାତିଲ। ମେ’ ୧୦ ତାରିଖ ଯାଏଁ ଉତ୍ତର ଓ ପଶ୍ଚିମ ଏବଂ କେନ୍ଦ୍ରୀୟ ଭାରତରେ ବିମାନବନ୍ଦର ବନ୍ଦ କରିଦିଆଯାଇଛି। ଶ୍ରୀନଗର, ଜମ୍ମୁ, ଲେହ, ଚଣ୍ଡିଗଡ଼, ଅମୃତସର ବିମାନବନ୍ଦର ବନ୍ଦ। ଲୁଧିଆନା, ପଟିଆଲା, ବଥିଣ୍ଡା, ହଲୱାରା, ପଠାନକୋଟ ବିମାନବନ୍ଦର ବନ୍ଦ ରହିଛି। ଧର୍ମଶାଳା, ସିମଲା, ଜୈସେଲମେର୍, ଯୋଧପୁର, ଜମାନଗର ବନ୍ଦ ରହିଛି। ରାଜକୋଟ, ପୋରବନ୍ଦର, କାଣ୍ଡଲା, ଗ୍ୱାଲିଅର ବିମାନବନ୍ଦର ବନ୍ଦ ରହିଛି। ଏୟାରଷ୍ଟ୍ରାଇକ ପରେ ସୁରକ୍ଷା ଦୃଷ୍ଟିକୋଣରୁ ଏହି ପଦକ୍ଷେପ ନେଇଛନ୍ତି କେନ୍ଦ୍ର ସରକାର।
ପାକିସ୍ତାନର ପଞ୍ଜାବ ପ୍ରଦେଶର ପ୍ରମୁଖ ସହର ଲାହୋରରେ ଗତ ରାତିରେ ଏକାଧିକ ବିସ୍ଫୋରଣ ହେବା ଖବର ସାମ୍ନାକୁ ଆସିଛି। ଏହି ଘଟଣାରେ ସହରରେ ଭୟର ବାତାବରଣ ସୃଷ୍ଟି ହୋଇଛି ଏବଂ ସ୍ଥାନୀୟ ପ୍ରଶାସନ ଜରୁରୀକାଳୀନ ପରିସ୍ଥିତି ଘୋଷଣା କରିଛି। ଚକ୍ଷୁଦର୍ଶୀଙ୍କ କହିବା ଅନୁଯାୟୀ, ଏହି ବିସ୍ଫୋରଣଗୁଡ଼ିକ ମିସାଇଲ୍ ହମଲା ଯୋଗୁଁ ହୋଇଛି, ଯାହା ସହରରେ ବ୍ୟାପକ ଆତଙ୍କ ସୃଷ୍ଟି କରିଛି।
ସୂଚନା ଅନୁଯାୟୀ, ଏହି ବିସ୍ଫୋରଣଗୁଡ଼ିକ ମଧ୍ୟରାତ୍ରିରେ ଘଟିଥିଲା, ଯେଉଁଥିପାଇଁ ଲାହୋରର ଅନେକ ଅଞ୍ଚଳରେ ଲୋକମାନେ ଭୟଭୀତ ହୋଇ ନିଜ ଘରୁ ବାହାରି ପଡ଼ିଥିଲେ। ସାମାଜିକ ଗଣମାଧ୍ୟମରେ ପ୍ରକାଶିତ କିଛି ପୋଷ୍ଟ ଅନୁସାରେ, ଏହି ଘଟଣାକୁ ‘ଅପରେସନ୍ ସିନ୍ଦୂର’ ସହ ଜଡ଼ିତ କରାଯାଉଛି। ଯଦିଓ ଏହାର ସତ୍ୟତା ସମ୍ପର୍କରେ ଆନୁଷ୍ଠାନିକ ସୂଚନା ମିଳିନାହିଁ। ଚକ୍ଷୁଦର୍ଶୀଙ୍କ ବୟାନ ଅନୁଯାୟୀ, ବିସ୍ଫୋରଣର ଶବ୍ଦ ଏତେ ପ୍ରବଳ ଥିଲା ଯେ ଏହା ମିସାଇଲ୍ କିମ୍ବା ଅନ୍ୟ କୌଣସି ଭାରୀ ଅସ୍ତ୍ରଶସ୍ତ୍ର ଦ୍ୱାରା ହୋଇଥିବା ଆଶଙ୍କା କରାଯାଉଛି। ତେବେ, ପାକିସ୍ତାନ ସରକାର କିମ୍ବା ସେନା ପକ୍ଷରୁ ଏହି ଘଟଣା ସମ୍ପର୍କରେ କୌଣସି ଆଧିକାରିକ ବିବୃତି ଏପର୍ଯ୍ୟନ୍ତ ଜାରି ହୋଇନାହିଁ।
Leave a Reply