ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ନେତୃତ୍ୱରେ ସମ୍ବଲପୁରର ବିକାଶ ଦୌଡ଼: ମତ୍ସ୍ୟରେ ରାଜ୍ୟରେ ତୃତୀୟ, ସମଲେଇରୁ ହିରାକୁଦ ପର୍ଯ୍ୟନ୍ତ ଶହ ଶହ କୋଟିର ପ୍ରକଳ୍ପ

ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀଙ୍କ ସମୀକ୍ଷା ବୈଠକରେ ଉନ୍ନୟନର ବଡ଼ ଚିତ୍ର; କୃଷି, ମତ୍ସ୍ୟ, ପର୍ଯ୍ୟଟନ, କ୍ରୀଡ଼ା ଓ ଗ୍ରାମ୍ୟ ବିକାଶରେ ରେକର୍ଡ ସଫଳତା

୫.୬୪ ଲକ୍ଷ ମନରେଗା କାର୍ଯ୍ୟଦିବସ, ୧୦,୬୪୦ ଆବାସ, ୨.୪୧ ଲକ୍ଷ ସୁଭଦ୍ରା ହିତାଧିକାରୀ; ଦୁଇ ବର୍ଷରେ ବଦଳିଗଲା ସମ୍ବଲପୁରର ବିକାଶ ମାନଚିତ୍ର

ଅକ୍ଷର ବ୍ୟୁରୋ: ଓଡ଼ିଶା ସରକାରଙ୍କ ବିକାଶମୂଳକ ଦୃଷ୍ଟିକୋଣ ଏବଂ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ନିରନ୍ତର ତଦାରଖ ଓ ସମୀକ୍ଷା ମଧ୍ୟରେ ସମ୍ବଲପୁର ଜିଲ୍ଲା ଗତ ଦୁଇ ବର୍ଷରେ ବିକାଶର ଏକ ନୂଆ ଅଧ୍ୟାୟ ରଚନା କରିଛି। ମତ୍ସ୍ୟଚାଷରୁ କୃଷି, ପର୍ଯ୍ୟଟନରୁ କ୍ରୀଡ଼ା ଏବଂ ସହରାଞ୍ଚଳରୁ ଗ୍ରାମ୍ୟ ଉନ୍ନୟନ ପର୍ଯ୍ୟନ୍ତ ପ୍ରାୟ ସମସ୍ତ କ୍ଷେତ୍ରରେ ଜିଲ୍ଲା ଉଲ୍ଲେଖନୀୟ ସଫଳତା ହାସଲ କରିଛି। ରାଜ୍ୟ ସରକାରରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗର ଦାୟିତ୍ୱରେ ଥିବା ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ବିଭିନ୍ନ ବିଭାଗର କାର୍ଯ୍ୟକାରିତା, ଚାଷୀ ଓ ସାଧାରଣ ଲୋକଙ୍କ କଲ୍ୟାଣ ଯୋଜନାର ଅଗ୍ରଗତି ଉପରେ ନିୟମିତ ସମୀକ୍ଷା କରୁଛନ୍ତି।

ମତ୍ସ୍ୟ ଉତ୍ପାଦନରେ ବଡ଼ ସଫଳତା, ରାଜ୍ୟରେ ତୃତୀୟ ସ୍ଥାନ

ସମ୍ବଲପୁରରେ ମତ୍ସ୍ୟ ଉତ୍ପାଦନ ୨୦୨୩-୨୪ର ୩୯,୯୯୨ ମେଟ୍ରିକ ଟନ୍‌ରୁ ବୃଦ୍ଧି ପାଇ ୨୦୨୫-୨୬ରେ ୫୩,୩୯୭ ମେଟ୍ରିକ ଟନ୍‌ରେ ପହଞ୍ଚିଛି। ଦୁଇ ବର୍ଷରେ ୩୩ ପ୍ରତିଶତରୁ ଅଧିକ ବୃଦ୍ଧି ସହ ଜିଲ୍ଲା ଆଭ୍ୟନ୍ତରୀଣ ମତ୍ସ୍ୟ ଉତ୍ପାଦନରେ ରାଜ୍ୟରେ ତୃତୀୟ ସ୍ଥାନ ଅଧିକାର କରିଛି।

ଏମ୍‌ଏମ୍‌କେୱାଇ ଯୋଜନାରେ:

ନୂଆ ପୋଖରୀ ଖନନ ହିତାଧିକାରୀ ୨୦୦ରୁ ୩୭୧କୁ ବୃଦ୍ଧି
ଚାଷ କ୍ଷେତ୍ର ୧୮୨ ହେକ୍ଟରରୁ ୨୫୮.୪୯ ହେକ୍ଟର
ବାୟୋଫ୍ଲକ୍ ହିତାଧିକାରୀ ୮୦ରୁ ୧୧୫
୬୫୮ଟି ବାୟୋଫ୍ଲକ୍ ଟ୍ୟାଙ୍କ ସ୍ଥାପନ
ମହିଳା SHGଙ୍କୁ ଟ୍ୟାଙ୍କ ଲିଜ୍ ପ୍ରଦାନ ୪୫% ବୃଦ୍ଧି

ସମଲେଇ ଯୋଜନା ଓ ହିରାକୁଦ ପର୍ଯ୍ୟଟନରେ ୧୫୦ କୋଟିରୁ ଅଧିକ ନିବେଶ

ସମ୍ବଲପୁରର ଐତିହ୍ୟ ଓ ପର୍ଯ୍ୟଟନକୁ ନୂଆ ପରିଚୟ ଦେବାକୁ ବହୁ କୋଟି ଟଙ୍କାର ପ୍ରକଳ୍ପ କାର୍ଯ୍ୟକାରୀ ହୋଇଛି। ଏହାଛଡ଼ା ହୁମା ବକ୍ର ମନ୍ଦିର, ଘଣ୍ଟେଶ୍ୱରୀ ମନ୍ଦିର, ବୀର ସୁରେନ୍ଦ୍ର ସାଏଙ୍କ ଜନ୍ମସ୍ଥାନ ଖିଣ୍ଡା ଏବଂ ଲକ୍ଷ୍ମୀକାନ୍ତ ବେଜବରୁଆଙ୍କ ସ୍ମୃତି ପୀଠର ବିକାଶ କାର୍ଯ୍ୟ ମଧ୍ୟ ଆଗେଇ ଚାଲିଛି।

ପ୍ରମୁଖ ପ୍ରକଳ୍ପ:

କରଡ଼ୋଳା ବୟନଶିଳ୍ପ ଗ୍ରାମ – ₹୧୦.୧୫ କୋଟି
ହିରାକୁଦ ଆରାଇଭାଲ ପ୍ଲାଜା – ₹୨୨.୯୦ କୋଟି
ଡ୍ୟାମ ସଂଗ୍ରହାଳୟ – ₹୨୫.୪୮ କୋଟି
ଜଳ ଓ ଆଲୋକ ସିମ୍ଫୋନି – ₹୭.୦୪ କୋଟି
ସମଲେଇ ଯୋଜନା ଦ୍ୱିତୀୟ ପର୍ଯ୍ୟାୟ – ₹୮୩.୭୫ କୋଟି
ମ୍ୟୁଜିକାଲ ଫାଉଣ୍ଟେନ – ₹୨ କୋଟି
ସାଉଣ୍ଡ ସିଷ୍ଟମ – ₹୨.୨୯ କୋଟି

କୃଷି କ୍ଷେତ୍ରରେ ରେକର୍ଡ ପ୍ରଦର୍ଶନ:

ସମ୍ବଲପୁରରେ ଖରିଫ ଚାଷରେ ୯୮% ଏବଂ ରବି ଚାଷରେ ୭୮% ସଫଳତା ମିଳିଛି।

ପ୍ରମୁଖ ଉପଲବ୍ଧି:

ଧାନ ଚାଷ ଉଭୟ ଋତୁରେ ଲକ୍ଷ୍ୟ ଅତିକ୍ରମ
ଡାଲି ଓ ତୈଳବୀଜରେ ସ୍ଥିର ପ୍ରଦର୍ଶନ
ଆଖୁ ଚାଷ ଲକ୍ଷ୍ୟଠାରୁ ଅଧିକ
NFSM, ରାଜ୍ୟ ଯୋଜନା ଓ NMEOରେ ୧୦୦% ସଫଳତା
ଆତ୍ମନିର୍ଭର ମିଶନରେ ୪,୧୦୦ ହେକ୍ଟର ମୁଗ ଚାଷ
୩,୧୦୦ ହେକ୍ଟର ତୈଳବୀଜ କ୍ଲଷ୍ଟରରେ ଶତପ୍ରତିଶତ କଭରେଜ୍

ରାଜ୍ୟ ସରକାର ଚାଷୀଙ୍କ ସ୍ୱାର୍ଥ ସୁରକ୍ଷା, ଧାନ ସଂଗ୍ରହ ଓ MSP ପ୍ରଦାନକୁ ସର୍ବାଧିକ ପ୍ରାଥମିକତା ଦେଉଥିବା ବେଳେ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ନିୟମିତ ଭାବେ ଧାନ ସଂଗ୍ରହ ଓ ଇ-କେୱାଇସି ପ୍ରକ୍ରିୟାର ସମୀକ୍ଷା କରୁଛନ୍ତି।

ସହରାଞ୍ଚଳରେ ୩୨.୯୯ କୋଟିର ବିକାଶ:

ସମ୍ବଲପୁର ମହାନଗର ନିଗମ ଅଞ୍ଚଳରେ:

୪୨ କିମି ରାସ୍ତା ଉନ୍ନତୀକରଣ
କୁଲୁଥକାନି ଇକୋ ପାର୍କ
ଆଧୁନିକ ଶ୍ମଶାନ ଭିତ୍ତିଭୂମି
ବୁର୍ଲା ଓ ୱାର୍ଡ-୪ରେ ବଜାର କମ୍ପ୍ଲେକ୍ସ
ବର୍ଷାଜଳ ନିଷ୍କାସନ ମାଷ୍ଟର ପ୍ଲାନ୍

କ୍ରୀଡ଼ା ଭିତ୍ତିଭୂମିରେ ମେଗା ନିବେଶ:

ବାମରା ଷ୍ଟାଡିୟମ – ₹୨୪.୦୬ କୋଟି
ନାକ୍ଟିଦେଉଳ ଷ୍ଟାଡିୟମ – ₹୧୬.୧୦ କୋଟି
ଜମନକିରା ଷ୍ଟାଡିୟମ – ₹୧୯.୦୭ କୋଟି
ଫୁଟବଲ ପ୍ରଶିକ୍ଷଣ କେନ୍ଦ୍ର – ₹୧୮.୪୫ କୋଟି
VSS କ୍ରିକେଟ ଷ୍ଟାଡିୟମ ବିକାଶ – ₹୨୪.୦୬ କୋଟି

ଗ୍ରାମ୍ୟ ବିକାଶରେ ବଡ଼ ସଫଳତା:

MGNREGSରେ ୫,୬୪,୪୧୮ କାର୍ଯ୍ୟଦିବସ
୧୦,୬୪୦ ଗ୍ରାମ୍ୟ ଆବାସ
ସୁଭଦ୍ରା ଯୋଜନାରେ ୨,୪୧,୮୭୦ ହିତାଧିକାରୀ

ଆର୍ଥିକ ମଞ୍ଜୁରୀ:

WODC – ₹୧୨.୪୪ କୋଟି
MPLADS – ₹୪.୩୯ କୋଟି
MLALADS – ₹୨୮.୫୨ କୋଟି
CM-SA – ₹୨୦.୭୫ କୋଟି

ଜନକଲ୍ୟାଣ, ଚାଷୀ ସ୍ୱାର୍ଥ ଓ ଉନ୍ନୟନ ପ୍ରକଳ୍ପର ଦ୍ରୁତ କାର୍ଯ୍ୟକାରିତାକୁ କେନ୍ଦ୍ର କରି ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ନେତୃତ୍ୱରେ ସରକାରଙ୍କ ବିକାଶ ଏଜେଣ୍ଡା ସମ୍ବଲପୁରରେ ଦୃଶ୍ୟମାନ ଫଳ ଦେଇଛି |