ବିଏସ୍ଏଫ୍ ଯବାନ ପୂର୍ଣ୍ଣବ କୁମାର ସାହୁ ପାକିସ୍ତାନରୁ ଫେରିବା ପରେ ଭାରତ ମଧ୍ୟ ସୈନିକଙ୍କ ବଦଳରେ ରେଞ୍ଜର୍ସଙ୍କୁ ପାକିସ୍ତାନକୁ ଫେରାଇଛି। ସୈନିକ ପିକେ ସାହୁଙ୍କୁ ପାକିସ୍ତାନ ଭାରତକୁ ହସ୍ତାନ୍ତର କରିଛି। ସେ ଅଟାରୀ ସୀମାରୁ ଫେରି ଆସିଛନ୍ତି। ଅପର ପକ୍ଷେ ଭାରତ ଜଣେ ରେଞ୍ଜର ଯବାନଙ୍କୁ ମଧ୍ୟ ବନ୍ଦୀ କରିଥିଲା। ଯୁଦ୍ଧବିରତି ପରେ ଏବେ ଉଭୟ ଦେଶ ସୈନିକ ଏବଂ ରେଞ୍ଜର୍ସ ଅଦଳବଦଳ କରିଛନ୍ତି। ଯବାନ ଏବଂ ରେଞ୍ଜରଙ୍କ ଅଦଳବଦଳ ପାଇଁ ସକାଳ ୧୦.୩୦ରେ ଅଟାରୀସୀମାରେ ଆଲୋଚନା ହୋଇଥିଲା।
ଭାରତ ଏବଂ ପାକିସ୍ତାନ ମଧ୍ୟରେ ସମ୍ପ୍ରତି ଉତ୍ତେଜନା ବୃଦ୍ଧି ପାଇଥିଲା। ଦୁଇ ଦେଶ ମଧ୍ୟରେ କ୍ଷେପଣାସ୍ତ୍ର ଏବଂ ଡ୍ରୋନ୍ ବ୍ୟବହାର କରି ପରସ୍ପର ଉପରେ ଆକ୍ରମଣ ମଧ୍ୟ ହୋଇଥିଲା। ଆତଙ୍କବାଦ ବିରୋଧରେ ଭାରତ ପାକିସ୍ତାନକୁ ଉଚିତ ଜବାବ ଦେଇଥିଲା। ଏହା ପରେ ଦୁଇ ଦେଶ ମଧ୍ୟରେ ଯୁଦ୍ଧବିରତି ହୋଇଥିଲା। ତଥାପି, ଅସ୍ତ୍ରବିରତି ପରେ, ମେ 14 ତାରିଖରେ, ବିଏସଏଫ ଏବଂ ପାକ୍ ରେଞ୍ଜର୍ସମାନେ ସେମାନଙ୍କ ଅଞ୍ଚଳରୁ ବନ୍ଦୀ ହୋଇଥିବା ସୈନିକମାନଙ୍କୁ ଶାନ୍ତିପୂର୍ଣ୍ଣ ଭାବରେ ଫେରାଇ ଦେଇଛନ୍ତି। ଫିରୋଜପୁରର ପାକିସ୍ତାନ ସୀମାରୁ ପାକ୍ ରେଞ୍ଜର୍ସ ଦ୍ୱାରା ଭାରତୀୟ ସୈନିକଙ୍କୁ ଗିରଫ କରାଯାଇଥିଲା। ଅନ୍ୟପକ୍ଷରେ, ରାଜସ୍ଥାନର ଭାରତୀୟ ସୀମା ନିକଟରେ ବିଏସଏଫ ଜଣେ ପାକିସ୍ତାନୀ ରେଞ୍ଜରଙ୍କୁ ଧରିଥିଲା। ସୈନିକଙ୍କ ବଦଳରେ ଭାରତ ପାକ୍ ରେଞ୍ଜରକୁ ମଧ୍ୟ ପାକିସ୍ତାନକୁ ହସ୍ତାନ୍ତର କରିଛି।
Leave a Reply