ଅକ୍ଷର ବ୍ୟୁରୋ: ପିପିଲି ବାଇପାସ ସ୍ଥିତ ନାୟକ ପେଟ୍ରୋଲ ପମ୍ପ ନିକଟରେ ଘଟିଛି ଏକ ଭୟଙ୍କର ସଡ଼କ ଦୁର୍ଘଟଣା । ସୂଚନା ଅନୁସାରେ, ଭୁବନେଶ୍ୱରରୁ ଦୁଇଟି ବାଇକରେ ୪ ଜଣ ସାଙ୍ଗ ପୁରୀ ଅଭିମୁଖେ ଯାଉଥିଲେ | ଆଗରେ ଯାଉଥିବା ଏକ ଟ୍ରକ ସଠିକ୍ ଭାବେ ସାଇଡ୍ ନଦେବାରୁ ବାଇକ ଚାଳକ ଭାରସାମ୍ୟ ହରାଇଥିଲେ । ଫଳରେ ବାଇକଟି ଟ୍ରକ ସହ ଧକ୍କା ହୋଇ ରାସ୍ତା ଉପରେ ଛିଟକି ପଡ଼ିଥିଲା ।
ଏହି ଦୁର୍ଘଟଣାରେ ୩ ଜଣ ଗୁରୁତର ଆହତ ହୋଇଥିବା ବେଳେ ଜଣେ ଯୁବକଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ରହିଛି । ଆହତମାନଙ୍କୁ ତୁରନ୍ତ ଉଦ୍ଧାର କରି ନିକଟସ୍ଥ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ସୂଚନା ପାଇ ପିପିଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
Leave a Reply